Yon ti refleksyon ekonomik sou kanaval la

Publié
6 mois ago
Dernière mise à jour
6 mois ago
3095 views
Time to
read
2’

Kanaval la tankou 1 aktivite ki ka reyini anpil moun te ka pote anpil pou ekonomi peyi a, si nou repanse li 1 fason ki ka rapòte kob. Nan yon peyi razè tankou ayiti nou pa ka ap voye lajan nan fénèt, fok nou mete entelijans nou deyò pou nou antre. 

Si nou vle rantre kòb nan kanaval fok nou ba li 1 idantité pou tout moun konnen ki sa yap vinn chèche nan kanaval ayiti. Idantite a vle di ki sa, fok nou deside ki sa nou vle vann: eske se koulè, mask, degizman, istwa...?  Pou ou van 1 bagay fok ou konnen ki sa ou vle vann? 

Nou dwe deside ki sa nap sible kom piblik: eske se moun kap viv ayiti sèlman, eske nap sible dyaspora nou gen laba ki toujou atache a peyi a, ou byen nap sible lot moun ki pa gen anyen pou wè ak ayiti tou. Si nou vle fè sa,
 pou chak etap piblik nou vle ajouté yo, li mande fok nou amelyore prezantasyon an. Nivo òganizasyon nou ka bay ayisyen nan dyaspora ki akseptab pou yo, pap reponn a kaye dechaj operatè touristik yo pou yo mete kanaval Ayiti nan pwodui ke yap mete an vant an fevrye yo. Advèsè dirèk Ayiti se Venise, Rio, Barbados, Dunkerque, Trinidad. ..

Mwen pa kwè li nesesè pou okenn moun pou mwen raple ke tout kote sa yo afè yo pi bon ke ayiti.  Ki donk nou ta dwe itilize anpil bon sans pou nou soti tèt ou.

Sa ap pèmèt mwen poze kèk kesyon:

1- Pou ki sa se chak ane nou refè komite kanaval la? Li paka pèmanan ak bidjè li koni alavans?

2- Pou ki sa depi kèk ane nou antre nan fè 80 kanaval? Depi se vil ki gen 50 moun e li jwenn 50 dola, li deside fè yon kanaval. Map enfòme kèk moun ki pat konn sa, chak peyi ki gen gwo kanaval yo, se 1 sèl kanaval yo vann pa 2. Yon sèl Eta o brezil ap fè tout ayiti a, jis imajine si chak majistra ta di yap fè kanaval pa yo, konbyen kanaval ki tap gen Brezil.

3- Eske nou vle fè konkou desibèl ou byen nou vle vann 1 Show? Si nou vle vann 1 show pou televizyon, nou oblije repanse prezantasyon an nèt? E kounya sa pral pèmèt nou ka vann dwa kanaval la, ki ap 1 lòt sous revni ankò

4- Pou ki sa kanaval la pa ka tou 1 indistri kote majorité sa nou ap bezwen nan kanaval la, gen antreprenè isi ki ofri byen ou sèvis nap bezwen yo. Eske atizan, ouvriye, bòs chapant pa tap jwenn okazyon pou yo pi byen pase?

5- Ann tounen sou koze pil kanaval kap fèt yo, lakay mwen latibonit, Tonton mwen Saint-Rome renmen di mwen lè dra a twò kout se swa ou kouvri tèt ou, ou byen ou kouvri pye ou. Ki donk si nou pa gen anpil resous, se pa kounya pou nou ap dispèse ti sa nou genyen an. Evidaman kanaval la tankou tout evenman ki ka reyini anpil moun se 1 gwo enstriman politik, ki donk tout nèg kap fè politik ap gade kòman yo ka rale kouvèti a sou zòn pa yo. Mwen pa nèg ki twò entelijan, men mwen ta renmen 1 moun explike mwen pou ki sa ant kote kanaval la fèt nan komin Delmas  ak kote li fèt nan komin Petion-ville la, yo ak  9 minit de distans, pou ki sa gen 2 kanaval ki fèt menm lè sou 9 minit distans. Ant Kote li fèt Delmas a, ak kote li fèt Tabarre a, li a anviwon 15 minit distans. Ki donk 1 moun ka kòmanse danse kanaval li Tabarre, li al pran 1 souse Petion-ville , li al pran 1 marinad Delmas. Eske nou serye?

Si nou vle kontinye danse, brase senti nou, nou ap toujou kontinye fè li, men si nou vle benefisye de kanaval la kom 1 gwo aktivite ekonomik,  fok nou repanse tout achitekti a. Kanaval la ka 1 gwo sous de revni si nou konn sa nap fè a e pou 1 fwa mete enterè peyi dayiti avan.

Mèsi, pase mwen tap pase.

Fernando Estime

Author

Fernando ESTIMÉ est licencié en Sciences Politiques de l’Institut National d’Administration, de Gestion et des Hautes Etudes Internationales. Il est aussi Spécialiste en Diplomatie Economique et Politique Commerciale. Depuis 2012, il est Directeur de recherche à la L’ouverture Institute for Diplomacy and...

Animateur (s)

Portrait de Anne Merline Eugene
La Mafia existe
3 mois 2 semaines ago
Portrait de Jacques Adler Jean Pierre
Agenda Culturel RTVC - 20 Avril 2017
1 année 3 mois ago